Nýr Íslandsmeistari í Ökuleikni krýndur

Nú rétt í þessu var að ljúka Íslandsmeistarakeppni í Ökuleikni. Keppnin var haldin við Forvarnahúsið í Kringlunni. Töluverð spenna varð í keppninni enda margir reyndir ökumenn á svæðinu. Mesta keppnin var á milli efstu keppenda í kvennariðli. Það var ekki fyrr en í lokabrautinni sem úrslitin réðust. Einungis 19 sekúndur skildu þær tvær efstu að. Reyndar var spennan í akstrinum hjá körlunum mikil og einungis 16 sekúndur sem skildu að eftir aksturinn. En þar sem einnig er prófað í umferðarreglum, varð munurinn meiri í lokin.

Úrslit urðu þessi:

Jafnframt var keppendum boðið að skipta sér í lið, hvort sem var eftir fyrirtækjum eða öðru. Í liðakeppni var tekið meðaltal liðsmanna og urðu niðurstöður þessar:

Páll H. Halldórsson, formaður Brautarinnar er afar ánægður með hvernig til tókst en 25 keppendur voru skráðir til leiks. Páll segir keppni sem þessa mikilvægan hlekk í baráttunni fyrir auknu umferðaröryggi þar sem hún leggur áherslu á hæfni ökumanna. Þrátt fyrir að um keppni sé að ræða skili æfingin sér út í umferðina.

Ævar Sigmar Hjartarson, nýkrýndur Íslandsmeistari karla í Ökuleikni, var að vonum ánægður með árangurinn. Ævar er reyndur rallýökumaður og raunar fyrrum Íslandsmeistari í rallý á óbreyttum bílum. Hann var ekki í vafa um að æfingin úr rallýinu hefði skilað sér inn í Ökuleiknina. Ökuleiknin hafi þó allt annan blæ yfir sér en rallý en sé ekki síður áskorun.

Ökuleiknin var haldin á vegum Brautarinnar – bindindisfélags ökumanna í samstarfi við Sjóvá, Vífilfell, Heklu og Krónuna.

Kókflaskan fellur. Í þessari þraut átti keppandi að snerta hvítu stöngina án þess að fella kókflöskuna. Það tókst ekki hjá þessum